ශ්‍රමදානයන්
පරිත්‍යාගශීලිවීම සෑම බෞද්ධයෙක් තුලම තිබිය යුතු උතුම් ගුණාංගයකි. අපගේ ආරාමයට සම්බන්ධ සීල ශ්‍රාවක ප්‍රජාව තම කාලය, ශ්‍රමය සහ සම්පත් හුදී ජනයාගේ යහපත වෙනුවෙන් කැප කරන ආදර්ශමත් වැඩිහිටියන් සඳහා වනකදිම නිදසුන්ය. ඔවුන් විසින් සිදුකරන ලද ශ්‍රමදානය වනාහී දයානුකම්පාව, කරුණාව, ත්‍යාගශීලී බව සහ ධනාත්මක පෙලබවීම් ඇති කරන වැඩසටහනක් බව ප්‍රත්‍යක්ෂ්‍ය වනුයේ ප්‍රදේශවාසීන්ගේ නොමද සහය හා ඇගයීම ඒ සදහා ලද නියාවෙනි.
මෙම ශ්‍රමදානය සදහා ප්‍රධාන නගරයේ සිට ආරාමය දක්වා දිවෙන ප්‍රධාන මාර්ගය පිරිසිදු කිරීම, අලුත්වැඩියා කිරීම සහ අලංකාර කිරීම ඇතුළත් වේ. එයට අමතරව ආරාමයට ගමන් කිරීමේදී විය හැකි උපද්‍රව වළක්වා ගැනීමට රියදුරන්ට සහාය වීම සඳහා වීදි කොනවල උත්තල දර්පණ එක් කිරීමෙන් ඔවුන් මෙය ශ්‍රමදානයකට ඔබ්බෙන් විහිදී ගියා වූ ක්‍රියාවක් ලෙස තවත් පියවරක් ඉදිරියට තැබීය.ඔවුන්ගේ මෙම පරාර්ථකාමී සේවය සමස්ත ප්‍රජාව කෙරෙහි ධනාත්මක බලපෑමක් ඇති කිරීමට සමත් වූ අතර ඒ සඳහා ඔවුන් දරන උත්සාහය අප සැවොම අගය කළ යුතුය.
