මංගල ශිලා ප්‍රතිෂ්ඨාපන පුණ්‍යමහෝත්සවය | අරිය තිඹිරි දම් සභා මණ්ඩපය  

සතර බිත්තියෙන් ඔබ්බට ගිය, උතුම් රහතුන් බිහිකරන්නට සැරසෙන, සතරවරම් දෙවි රජදරුවන්ගේ මුරකාවල් මධ්‍යයේ මේ මොහොතේදීත් ඉදිවෙමින් පවතින ඒ තිස් එක් ලෝක ධාතුවේ මුදුන් මල්කඩ වන් වූ  ආර්ය තිඹිරි ගෙය ලොවට පහළවන්නට මෙසේ පිඹුරුපත් සැකසීම ඇරඹිණි. 

ගෞරව භක්ති ආදරයෙන් යුතුව සකස්කරගත් මුල්ගලත්, අධිෂ්ඨාන බලගැන් වූ සත් දමේ තඹ පතත්  සුරතින් දරාගත් දහස් සංඛ්‍යාත පින්වත් උවස-උවැසියන්ගේ පෙරහැරින් ඇරඹුණු ඒ මුල්ගල තැබීමේ මහා මංගල්‍යය, දිව්‍ය බ්‍රහ්ම මනුස්ස අමනුස්ස නාගාදී කියන්නා වූ භූමාටු තලයේ පටන් අකනිටා බ්‍රහ්ම තලය සිසාරා විහිදුණු මගුල් බෙර සක් හඬ මධ්‍යයේ ඒ සියලු තලයන් හි වසනා සෑම සියලු දෙනාගේ ආශීර්වාද සාදුකාර මල් වරුසා මැදින් අති උත්කෘෂ්ට අන්දමින් මෙසේ සිදු විය.

තමතින් සියතින් දෝතින් කරගත්තා හා සමානාවම සියලු ලෝක සියලු සත්වයෝ මෙවන් වූ මහාර්ඝ පින්කම් දැකබලා සිත් පහදවාගනිමින්,  සතුටු සිත් ඇතිකරගනිත්වා! ඒ සියලු පින් බෙලෙන් සකල කෙළෙසුන් නසනු වස්, ආර්ය තිඹිරි ගෙයිහි උපත ලබමින් ආර්ය කුළයට හිමිකම් කියන උතුම් රහතන්වහන්සේලා ලක්ෂ ගණනින් මේ පුන්‍යභුමියේ පහළ වේවා. සාදු!  සාදු!! සාදු!!!