හරිත සංග්‍රාමය - ආඩිගම 2026  

සතර දෙසින් වඩින මහා සංඝරත්නය ඇතුළු පරම නිවන අපේක්ෂාවෙන් ශාසනය කරා ඇදෙන සිව්වනක් පිරිසට ආහාරයෙන් උපස්ථාන කිරීමත්, නුදුරු අනාගතයේදී ජනයා ගොදුරු විය හැකි ආහාර හිඟයෙන් මිදීමත් අරමුණු කරගනිමින් පුරන් වූ ඉඩම් නැවත අස්වැද්දීමේ ව්‍යාපෘතිය ආරම්භ කරන ලදී.

ඒ යටතේ, පුත්තලම දිස්ත්‍රික්කයට අයත් ආඩිගම ප්‍රදේශයේ අතහැර දමා තිබූ අක්කර හතරක ඉඩමක, දීර්ඝ කාලයක් අස්වැන්න ලබා දෙන දෙල් පැළ 300කට අධික ප්‍රමාණයක් සිටුවීමේ පින්කම සිව්වනක් පිරිසගේ සහභාගිත්වයෙන් සිදු කෙරුණු තවත් අර්ථවත් පින්කමකි.

පින් කැමති සියල්ලෝම මෙය දැක බලා අනුමෝදන් වෙත්වා!