එක්සත් රාජධානියේ චාරිකාව 2025  

භාග්‍යවත් වූ සම්මා සම්බුදුරජාණන් වහන්සේගේ ශ්‍රී සද්ධර්මය ලෝකය තුළ බැබළෙන මෙවන් දුර්ලභ වූත්, උතුම් වූත් කාල වකවානුවක, ඒ උතුම් සම්බුදු මඟ යමින් නිවන් අවබෝධ කරගැනීමේ උතුම් අරමුණ පෙරදැරි කරගෙන කෙන්ට් (Kent) ප්‍රදේශය කේන්ද්‍ර කරගනිමින් සැදැහැවත් පින්වතුන් විශාල පිරිසක් මෙම තෙදින භාවනා වැඩසටහන සඳහා ඒකරාශී වූහ.

දස සිල් සමාදන්ව සිටිමින් විවිධ පුණ්‍ය කර්මයන්හි නිරත වූ සහභාගී වූ පිරිස, නිවන් මඟට බාධාවන අකුසල ධර්මයන් දුරු කරගනිමින් විමුක්තිය කරා යන මාවතේ ඉදිරියටම යාමට අවශ්‍ය මග සකසා ගත්හ.

සම්බුදු ශාසනය නැවත වරක් බැබළෙන මෙවන් අසිරිමත් මොහොතක, ශාසනයේ උන්නතිය වෙනුවෙන් කැපවීමෙන් හා උත්සාහයෙන් යුතුව අපි සැවොම අත්වැල් බැඳගනිමු.

ලෝවැසි සියලු සත්වයෝ උතුම් වූ නිවන් සුවයෙන් සුවපත් වෙත්වා!