වෙසක් මංගල්‍යය 2026  

බෝසතාණන් වහන්සේගේ උපත, බුද්ධත්වය හා බුදුපියාණන් වහන්සේගේ පිරිනිවන් පෑම යන ත්‍රිවිධ මංගල්‍යය මුළු විශ්වයට ම අසිරිමත් වූ, ශ්‍රේෂ්ඨතම මංගල්‍යය යි.

එම භාග්‍යවත් බුදු පියාණන් වහන්සේට ප්‍රතිපත්ති පූජාවෙන් හා ආමිස පූජාවෙන් ගෞරව පුද කිරීම සඳහා, බුද්ධ වර්ෂ 2570 වෙසක් පුර පෝය නිමිත්තෙන් ඉංගිරිය ජේතවනාරාම විහාරයේ දී බුදු ගුණ සජ්ඣායනය, මහා බුද්ධ පූජාව, මහා සංඝරත්නය උදෙසා සංඝගත දක්ෂිණාව සහ නව බුද්ධ ප්‍රතිමා වහන්සේ නමක් වැඩම වීම ඇතුළු මහත් පුණ්‍යකර්ම රැසක් සිව්වනක් පිරිසගේ සහභාගීත්වයෙන්, අති උත්කර්ෂවත් අයුරින් සිදු කෙරිණි.

මෙම පුණ්‍යකර්මයන් දැක බලා සියලු දෙනා පින් අනුමෝදන් වෙත්වා!